Kurioziteti përsa i përket ndarjes së Olsi Bylykut dhe Egli Takos ka qenë i madh nga ana e publikut.
“A e ka marrë malli për Olsin? Si e ka përjetuar periudhën pas ndarjes? A kanë komunikuar me njëri tjetrin pasi vendosën t’i japin fund?”- këto ishin disa nga pyetjet, të cilave Egli u dha përgjigje ditën e djeshme.
Ajo ishte e ftuar në puntatën e parë të “Mos i bjer me Top”, ku tregoi se përpos momenteve të bukura që ka kaluar me Olsin, për të cilat është mirënjohëse, tashmë ndihet shumë mirë dhe është falenderuese për ndarjen pasi kështu arriti të njihte një anë shumë të fortë të vetes që nuk e njihte më parë.
Egli nuk e mohoi faktin se ka momente kur ndjen mall për të, kjo pasi ata kishin një lidhje të konsoliduar dhe të gjatë, 5 vjeçare.
Ajo çka na bën kuriozë më tepër është nëse ka patur më komunikim mes tyre pasi u bë me dije se romanca kishte marrë fund.
Për këtë Egli u shpreh se ka patur, ama nuk mund t’a quajë një komunikim të mirëfilltë sepse nuk është folur për asnjë rikthim apo një shpresë mes tyre.
